Mourinho sonte debuton në stolin e Romës në ndeshjen zyrtare

11:06 | 19 Gusht 2021
KRG

Jose Mourinho ka marrë drejtimin e Romës dhe është bërë tanimë gati për ndeshjen e parë zyrtare.

Giallorosët do të luajnë në ‘Play-Off’-in e Ligës së Konferencës, ku përballë kanë skuadrën turke Trabzonspor.

Pikërisht ndeshja në Turqi përballë Trabzonsporit do të jetë e para zyrtare e Mourinhos në drejtimin e Romës.

Ndeshja mes dy skuadrave do të zhvillohet sonte me fillim nga ora 19:30 në Medical Park Arena të Trabzonit.

‘Special One’ do të luaj me formacionin 4-2-3-1, ku në këtë takim do të duhet të bëjë pa dy anglezët, Chris Smalling e lënduar dhe Tammy Abraham i cili nuk ka të drejtë loje.

Në portë do të jetë Rui Patricio, derisa katërshja e mbrojtjes përbëhet nga Rick Karsdorp, Gianluca Mancini, Roger Ibanez dhe Vina.

Bryan Cristante dhe Jordan Veretout do të jenë mesfushor të qendrës, derisa Nicolo Zaniolo, Lorenzo Pellegrini e Henrikh Mkhitaryan do ta mbështesin Eldor Shomurodovin në sulm. /Telegrafi

Shpërndaje në rrjete sociale

Lajmet më të lexuara

Të ngjashme

Foto lajm